राजस्थान खुद रे माई एक न्यारी प्रतिभाहै। अठा रा लोग न्यारा,गांव न्यारा,पहनाव न्यारो अर शिक्षा न्यारी। अर सबसु न्यारी अठा री भासा राजस्थानी एकदम न्यारी 10 करोड़ लोगां री आ भासा जकी ने हलताई मान्यता नी मिली। राजस्थान रा ट्रेडिशनल अर फ़ोक गाणा री तो भात ई न्यारी है। आज रा जुग माई राजस्थान रा ट्रेडिशनल अर फोक गाणा देश अर विदेशा माई गणा ई भाजे है। घूमर अर कालबेलिया नाच सबसु न्यारो है। राजस्थानी रो स्वागत गीत केसरिया बालम आवो नी थे पधारो म्हारे देश ने सुण अर विदेशी पर्यटक भी एकदम राजस्थान री संस्कृति रे माई मन ही मन खो ज्यावै। विदेशी पर्यटक अठा री संस्कृति रा क़ायल है। पुष्कर जेड़ा पवित्र धाम अठे। काले री एक गानो रा कुछ बोल म्हारे कानडे म्है भड़िया तो मने गणों ही सुहावनो लाग्यो। बे बोल म्हे आपरे सामी राखु "लड़ली लूमा झूमा ऐ लड़ली लूमा झूमा ऐ,
मारो गोरबंद नखरालो,
आलीजा मारो गोरबंद नखरालो"
"मूछा मारी शान है जूती सूं पहचान है"
एड़ा कई गीत अठा री संस्कृति री पहचान है
पण आपणो दुर्भाग्य है के हलताई आपणी भासा ने सरकार मान्यता कोनी दिवि। अमरीका अर सयुंक्त राष्ट्र ने भी राजस्थानी भाषा ने अंतरराष्ट्रीय भासा रो दर्जो दियो। नेपाल रे माई राजस्थानी ने मान्यता है पण भारत मे राजस्थानी ने मान्यता कोनी। पण देवकिशन जी राजपुरोहित ने अनशन शुरू कर अर राजस्थानी भासा ने मान्यता सारू एक बहुत बड़ी हुंकार भरी है अब जाणा राजस्थानी ने मान्यता मिल ज्यासी।
जै जै राजस्थानी
रामकंवार पारासरिया
